Arvadından qorxan kişinin polisə müraciəti

Türkiyədə arvadından qorxan 47 yaşlı kişi dövlətə müraciət edib. 

Bundan əvvəl 2 dəfə evlilik həyatı yaşayan Zekeriya Özkartal 3 uşaq atasıdır. İndi isə 3-cü həyat yoldaşının onu ölümlə hədələdiyini deyərək, dövlətdən kömək istəyir. 

Adanada yaşayan Zekeriya Özkartal adlı inşaat ustası canına vəlvələ salan 26 yaşlı Oya.Ç ilə internetdə tanış olub. 

Özündən 19 yaş kiçik qadınla evliliyin sevinci uzun çəkməyib. Tanışlıq və evlilik həyatı üst-üstə 3 ay sürüb. Cütlük evlilik qərarı verdikdən sonra Oya 15 sentyabrda Adanaya gedib. Bir həftə sonra isə rəsmi nikaha giriblər.

İki gün sonra ərinə İzmirə anasının yanına getmək istədiyini söyləyib. Zekeriya Özkartal arvadına 3 min lirə (1500 dollar) verərək onu avtobusa mindirib. Kişinin iddialarına görə, arvadı bir həftə sonra ona zəng edərək, bir daha geri dönməyəcəyini bildirib. Bundan sonra Zekeriya Özkartal, İzmirə gedib inşaatda işləməyə başlayıb.

Bütün qazancını ondan tez-tez pul istəyən arvadına və qayınanasına versə də, özünü onlara sevdirə bilməyib. Zekeriya Özkartal arvadı Oyanın əvvəlki ərinin müəmmalı şəkildə öldüyünü öyrənir. Bu da azmış kimi, Oyanın “ölən ərimə etdiklərimi sənə də edərəm” hədəsi, qayınanasının isə “qıvrım saçlıya de, gərək olanı etsin!” deməsi onun canına vəlvələ salır. Hayatının təhlükə altında olduğunu anlayan Zekeriya Adanaya geri dönür.

Başına gələnləri “Sabah” qəzetinə danışır. Həyat hekayəsi qəzetdə dərc olunduqdan sonra gənc həyat yoldaşı ona zəng vuraraq hədələyib. Oya.Ç-nin, “Rəhmətlik ərimə etdiklərimi sənə də etdirəcəm. Qıvrım saçlı məni çox sevir, nə desəm edir” sözündən sonra polisə gedir. Elə həmin gecə saat 3-də özünü İzmir Əmniyyət Müdirliyinin əməkdaşı kimi təqdim edən bir kişi ona zəng vuraraq ölümlə hədələyib:

“Ölüm qorxusuyla yaşayıram. Dövlətin məni qorumasını və mənə mühafizə ayırmasını istəyirəm. Başıma bir şey gələrsə arvadım və onun ətrafındakı insanlar cavabdehdir”. (anspress)

Ölkə.Az