“Partizan”ın baş məşqçisi: “ “Neftçi” ilə oyunların heç bir əhəmiyyəti olmayacaq”

“Komandamızda problemlər hökm sürür. Buna baxmayaraq, əhvalımızı düzəltməliyik. Çünki bizi qarşıda vacib oyunlar gözləyir”

Bu sözləri Serbiyanın “Partizan” klubunun baş məşqçisi Marko Nikoliç deyib.

Avroliqanın pley-off mərhələsində “Neftçi”nin rəqibi olan Belqrad təmsilçisinin çalışdırıcısı komandasının vəziyyəti ilə bağlı danışıb: “Qarşıda çempionat və Avroliqa oyunumuz var. Buna görə də özümüzə gəlməliyik. Artıq vəziyyət çox pisdi. Maliyyə problemi düzəlməlidi. Bəzi aparıcı futbolçular komandanı tərk etmək istəyir. Amma buna imkan verməməliyik. Klubun bizim qarşımızda öhdəlikləri var və onlar bunu yerinə yetirməlidirlər”.

Nikoliç bildirib ki, problem həllini tapmasa, Avroliqada “Neftçi” ilə oyunun heç bir əhəmiyyəti olmayacaq: “Çox pis atmosfer yaranıb. Bu vəziyyətdən çıxış yolu tapmaq üçün çalışmalıyıq. Əks halda, “Neftçi” ilə Avroliqa oyunlarının heç bir mənası olmayacaq. Həmin qarşılaşmalar heç kim üçün əhəmiyyət kəsb etməyəcək. Çünki bu vəziyyətdə uğur qazanmaq da mümkünsüzdü”./apasport/

Ölkə.Az