PKK-nın nüfuz dairəsində olan yezidi kürdlər peşmərgə sıralarına qoşulur

"Ölkə.Az" xəbər verir ki, Məsut Bərzani "yezidxan müdafiə birləşmələrinin" Peşmərgə nazirliyinin tərkibinə keçməsinə icazə verib. Birləşmədə 4 min 500 döyüşçü var.

İraqın Mosul vilayətinin Sincar rayonundakı peşmərgə komandiri Kasım Şeşo bu barədə məlumat verib: "Şimali İraq Kürd Muxtariyyatının prezidenti Məsut Bərzani Sincarda 4.500 nəfərlik "Yezidxan müdafiə birləşmələri"-nin peşmərgə nazirliyinin tərkibinə keçməsinə icazə verdi və prosesin başlanması üçün təlimat verib".

Şeşo bu keçidin iqtisadi böhran səbəbindən mərhələli şəkildə həyata keçiriləcəyini bildirib. Peşmərgə nazirliyi böhrana görə hələ ki, 1.700 döyüşçünü tərkibinə qatacaq.

Sincarda PKK sıralarına qoşulan yezidi kürdləri fürsət tapan kimi qruplaşma sıralarını tərk edərək peşmərgələrə təslim olur. Hər gün onlarla yezidi kürdü silahı yerə qoyub peşmərgələrə sığınır. Şeşo PKK sıralarındakı yezidilərə səslənib: "Əgər PKK ilə qalmağı üstün tutanlara deyirəm ki, Sincarda sizə yer yoxdur. Peşman olub silahı yerə qoysanız, sizi yaxşı qarşılayacağıq".

Hikmət
Ölkə.Az