Bəşər Əsəd: ABŞ-ın terrora qarşı mübarizəsi kosmetik kampaniyadır
Suriya prezidenti Bəşər Əsəd ABŞ-ın terrorizmə qarşı mübarizəsini kosmetik kampaniya adlandırıb
"Ölkə.Az" xəbər verir ki, Bəşər Əsəd ABŞ koalisiyasının İŞİD terror qruplaşmasına qarşı Suriyada apardığı əməliyyatları kosmetik kampaniya adlandırıb.
Əsəd deyib: "Bu İŞİD-ə qarşı kosmetik əməliyyatdır. Rusiyanın aviasiyası ilə İŞİD-ə hücumuna qədər terrorçuların fəaliyyəti zəifləməmişdi".
Onun sözlərinə görə, İŞİD terrorçularının sayı ABŞ hərbi kampaniyası yox, Rusiya hərbi kampaniyası başladıqdan sonra azalmağa başlayıb.
Əsədin sözlərinə görə, İŞİD terrorçuları Suriya neftindən istifadə ediblər və minlərlə ton neft xarici ölkələrə satılıb. Neft karvanları isə Rusiyanın Suriyada İŞİD-ə qarşı mübarizəyə qoşulmasından sonra məhv edilib. Əsəd rusiyalı müttəfiqləri ilə daim əlaqədə olduğunu qeyd edib.
Hikmət
Ölkə.Az
