Türkiyə krım tatarlarının vəziyyətindən narahatdır

Türkiyə XİN: "Buna görə xalq əziyyət çəkməməlidir"

Ölkə.Az-ın "Интерфакс-Украина"-ya istinadən xəbər verdiyinə görə, Türkiyənin Xarici işlər naziri Mövlud Çavuşoğlu bəyan edib ki, krım tatarlarının vəziyyətini öyrənmək məqsədilə Türkiyə Krıma qeyri-rəsmi nümayəndə heyətini göndərmək fikrindədir.

Mövlud Çavuşoğlu Kiyevdə Ukraynanın Xarici işlər naziri Pavel Klimkinlə keçirilən mətbuat konfransında çıxış edərkən krım tatarlarından söz açıb.

"Yerli əhalinin yaşayış səviyyəsini ötrənmək üçün Krıma qeyri-rəsmi nümayəndə heyətinin göndərilməsi gündəmdə olan məsələlərdən biridir", - deyə, nazir bildirib.

Nazirin sözlərinə görə, Türkiyə dəfələrlə Krımın Rusiyaya ilhaq edilməsini dstəkləmədiyini bəyan edib, lakin buna görə xalq əziyyət çəkməməlidir. Bundan əlavə, Çavuşoğlu əlavə edib ki, Krım məsələsində türkiyə hökuməti yalnız rəsmi Kiyevlə işləməyi və onun verəcəyi ipuculardan istifadə etməyi düşünür.

Nazir bildirib ki, Türkiyə krım tatarlarına inkişaf məsələləri üzrə Türkiyə agentliyinin imkanlarından istifadə edərək yardım göstərmək yollarını daima gözdən keçirir.

Rəşid Mustafazadə

Ölkə.Az