Tramp xüsusi xidmət orqanlarını günahlandırdı

"Ölkə.Az" xəbər verir ki, Tramp xüsusi xidmət orqanlarının qanuna zidd olaraq mətbuata xəbər sızdırdığını deyib.

Rusiya ilə əlaqələr barədə iddianı axmaqlıq adlandıran Tramp: "Bu Rusiya əlaqələri axmaqlığı sadəcə Klinton kampaniyasının uğursuzluğunu ört-basdır etmək üçün ortaya atılıb", - dedi.

Bu yaxınlarda istefa edən milli təhlükəsizlik müşaviri Mayk Flinn haqqında iddiaların mətbuata ötürülməsini şərh edən Donald xüsusi xidmət orqanlarını günahlandırıb: "Xüsusi xidmət orqanları "Washington Post" və "The New York Times" kimi mətbuat orqanlarına qanunsuz şəkildə məlumat ötürüb. Burada əsl qalmaqal məxfi məlumatların xüsusi xidmət orqanları tərəfindən paylanmasıdır. Heç Amerikaya yaraşan bir məsələ deyil".

Rusiya siyasəti mövzusunda tənqidlərə isə ABŞ prezidenti belə cavab verib: "Krım Obamanın hakimiyyəti dövründə Rusiya tərəfindən işğal edilib. Obama da Rusiyaya qarşı çox yumşaq davranırdı?"

Hikmət
Ölkə.Az