Tramp: “İrana qarşı bundan da artığını edəcəyik”
“Ölkə.Az” xəbər verir ki, bu barədə ABŞ-ın 45-ci prezidenti Donald Tramp İsrail baş naziri Benyamin Netanyahu ilə danışıqların yekunları üzrə mətbuat konfransında bildirib. O, bəyan edib ki, bundan sonra Amerika İrana qarşı yürütdüyü siyasətini heç vaxt yumuşaltmayacaq:
“Tehranın nüvə silahına malik olmaması üçün İrana qarşı yeni tədbirlər görmək niyyətindəyik. Mənim administrasiyam və mən bundanda artığını edəcəm ki, İran beynəlxalq qanunlara tabe olsun".
Qeyd edək ki, 2015-ci il aprelin 2-də İranla Qərb ölkələri arasında 5+1 formatında aparılan nüvə danışıqları öz məntiqi sonluğu ilə bitdi. Razılaşmaya görə, İran bütün nüvə silahı hazırlama işlərindən əl çəkir, ABŞ isə onların üzərindən sanksiyaları götürmüşdü. Lakin bu ilin əvvəllərində İranın yeni balistik raket istehsalı ilə bağlı açıqlamalarından sonra Amerikada narazılıqlar yarandı. İrana qarşı fevralın əvvəlində ABŞ tərəfindən yeni sanksiyalar qəbul edilib.
Ziya Səccad