Türkiyədə öldürülən rus səfirinin qətli ilə bağlı yeni xəbər

Rusiyanın Türkiyədəki səfiri Andrey Karlovun Ankarada qətlə yetirilməsi ilə əlaqədar daha bir nəfər saxlanılıb.

“Ölkə.Az” xəbər verir ki, saxlanılan E.B. rus səfirinin qatili Mövlut Mert Altıntaşla əlaqədə şübhəli bilinir. Belə ki, saxlanılan əhmin şəxs qətldən bir neçə saat əvvəl Mövlut Mert Altıntaşla telefon vasitəsilə danışıb.

Saxlanılan şəxs ifadə verdikdən sonra müvəqqəti saxlanma təcridxanasına yerləşdirilib.

Qeyd edək ki, Rusiyanın Türkiyədəki səfiri Andrey Karlov ötən ilin dekabrın 19-da Ankarada Müasir Sənət Mərkəzində rəsm sərgisinin açılışında çıxış edərkən silahlı hücuma məruz qalaraq öldürülüb. Sonradan səfiri vuran şəxs polislə silahlı atışma zamanı öldürülüb. Araşdırmalar zamanı qatilin polis əməkdaşı Mövlut Mert Altıntaş olduğu məlum olub. Araşdırmalar zamanı qətlin FETÖ terror təşkilatı tərəfindən sifariş olunduğu məlum olub.

Keçirilən əməliyyat zamanı bu ilin yanvar ayında Rusiyanın Türkiyədəki səfiri Andrey Karlovun Ankarada qətlə yetirilməsi ilə əlaqədar 5 nəfər həbs edilib. Həbs olunanlar qatil Mövlut Mert Altıntaşın məzunu olduğuİzmir Rüştü Ünsal Polis Məktəbinin əməkdaşlarıdır. Onlardan 4-ü polis, 1 isə FETÖ üzvü Süleyman Ergen olub. Həmin polislər sonradan Mövlut Mert Altıntaşın iş yoldaşları olub.

Ziya Səccad
Ölkə.Az