Tramp milli təhlükəsizlik üzrə müşavir vəzifəsinə yeni namizəd təklif edib

Ölkə.Az xəbər verir ki, Tramp bu vəzifəyə Hərbi Dəniz Qüvvələrinin xüsusi təyinatlılarının sabiq komandiri, istefada olan vitse-admiral Robert Harvardı uyğun görüb.

Reuters agentliyinin verdiyi məlumata görə, Trampın bu təklifi admirala çatdırılıb. R.Harvardın təklifi qəbul edib-etməməsi barədə isə məlumat verilməyib.

Qeyd edək ki, fevralın 13-də ABŞ prezidentinin milli təhlükəsizlik üzrə müşaviri Maykl Flinn istefa verib. O, Rusiyanın Vaşinqtondakı səfiri Sergey Kislyak ilə əlaqəsinə dair Ağ Evə tam məlumat vermədiyini etiraf edib. Bu səbəbdən də, vəzifədən gedib. Həmin vəzifənin icrası müvəqqəti olaraq istefada olan general- Kit Kelloqa tapşırılıb.

Robert Harvarda gəldikdə isə o, ABŞ-ın tanınmış hərbçilərindəndir. O, 2011-2013-ci illərdə Mərkəzi Komandanlığının rəhbərinin müavini vəzifəsində çalışıb. Əfqanıstan və İraqda döyüşlərdə iştirak edib. 

Ziya Səccad
Ölkə.Az