15 yaşlı nişanlı qız itkin düşdü

"Ölkə.Az"-ın məlumatına görə, rayon sakini 15 yaşlı Tağıyeva Güldanə Vaqif qızı 19 aprel 2016-cı ildə məktəbə gedib və bir daha geri qayıtmayıb. "Xəzər" televiziyasında yayımlanan "Bizə danış" verilişinə müraciət edən ailə bildirib ki, qızları özündən 10 yaş böyük oğlanla nişanlı olub. Məktəbli bir Bakıdakı xalasıgilə bir həftəlik qonaq gedib və qayıdandan sonra davranışlarında dəyişikliklər baş verib. Canlı yayıma qoşulan Bəxsti xanım (Güldanənin xalası) bildirib ki, onu evdə tək qoyub işə gedirmiş.

Verilişə edilən anonim zənglərdən isə məlum olub ki, məktəblini ailəsi zorla özündən on yaş böyük oğlana verib və o, buna görə intihar edəcəyini bildirib. İtkin qızın anası bildirib ki, qızı başqa oğlana qoşulub qaçsa da, onu bağışlamağa hazırdırlar:

"Hardasansa gəl, hamımız səni gözləyirik. Qoşulub qaçsa da, bağışlayaram, təki bilim sağdır".

Ölkə.Az