Terrora cavab olaraq Pakistanda 100-dən çox İŞİD-çi məhv edildi
“Ölkə.Az” xəbər verir ki, Pakistanın güc strukturların keçirdiyi xüsusi əməliyyat nəticəsində 100-dən çox silahlı məhv edilib.
Verilən məlumata görə, Sind əyalətində törədilmiş terror aktından sonra son sutka ərzində 100-dən çox terrorçu məhv edilib və çox sayda terrorçu həbs edilib.
Qeyd edək ki, dünən Pakistanda məqbərədə terrorçu özünü partladıb. Partlayış İŞİD terrorçusu-kamikadze tərəfindən törədilib. Törədilmiş terror aktı nəticəsində azı 72 nəfər ölüb, 150-dən çox insan yaralanıb.
Polis nümayəndəsinin bildirdiyinə görə, partlayış məqbərənin həyətində, qapıların yanıdan baş verib. Terrorçu-kamikadze insanların axşam namazı qılmaq üçün toplaşdığı məscidə girərək üzərindəki partlayıcı qurğunu işə salıb.
Hadisə nəticəsində xəsarət alanlar təcili tibbi yardım maşınları ilə yaxınlıqdakı xəstəxanalara yerləşdirilib. Terror aktı törədilən ərazi təhlükəsizlik xidmətinin əməkdaşları tərəfindən mühasirəyə alınıb.
Hadisəyə görə məsuliyyəti İŞİD terror qruplaşması öz üzərinə götürülüb.
Hadisədən dərhal sonra Pakistanın Baş naziri Məhəmməd Navaz Şərif bu gün ölkədə törədilən terror aktına münasibət bildirib. Baş nazir ölkədə törədilən terror aktının cavabsız qalmayacağını deyib. Onun sözlərinə görə, İŞİD terrorçuları mütləq bunun cavabına verəcəklər. Bundan başqa, Məhəmməd Navaz Şərif deyib ki, terror aktının baş tutması onu göstərir ki, ölkədə təhlükəsizlik tədbirləri istənilən səviyyədə deyil.
“Biz bundan sonra Pakistanın təhlükəsizlik tədbirlərini daha da gücləndirəcəyik”, - deyə Baş nazir bildirib.
Ziya Səccad
Ölkə.Az
