Trampdan Amerika iqtisadiyyatına uğur gətirəcək yeni qərar
“Ölkə.Az” xəbər verir ki, Trampın həyata keçirməyə hazırlaşdığı vergi islahatları proqramı çərçivəsində korporativ mənfəət vergisi tariflərinin cari 35%-dən 15%-ə endirilməsi gözlənilir. Tariflərin azaldılması ABŞ-ın əsas banklarının illlik mənfəətlərinin orta hesabla 14% artmasına səbəb olacaq.
Qeyd edək ki, Trampın hakimiyyətə başladığı gündən bəri Amerika iqtisadiyyatında 227 min dollardan çox qazanc əldə olunub. Trampın yeni qərarlarından sonra Amerikada çoxsaylı iş yerləri də açılıb. Trampın yeni sərəncamlarından sonra ABŞ-da 175 mindən çox iş yeri açılıb. Yeni rəhbər isə bildirmişdi ki, qısa zaman ərzində Amerikada 25 milyondan çox yeni iş yerləri açacaq.
Trampın yeni qərarlarından biri də, 2008-2009-cu il maliyyə böhranı zamanı qəbul olunmuş "Dodd-Frank" qanununa yenidən baxılmasıdır. Qanun bank sektoruna nəzarətin bir qədər yumşaldılmasını nəzərdə tutur.
Trampın ilk tələblərindən biri də, Amerikanın avtomobil istehsal edən zavodlarının xarici ölkələrdən yığışdırılması oldu. D.Tramp öz twitter hesabında etdiyi paylaşımda ABŞ-ın ən böyük avtomobil konserni General Motors-un Meksikadakı fəaliyyətinə görə tənqid etmişdi.
“Ya Amerikada istehsal et, ya da, daha çox gömrük rüsumu ver!” deyə tələbini bu şəkildə ifadə etmişdi.
Bu çağırışdan sonra ilk reaksiya "General Motors" şirkətindən gəldi. ABŞ-ın ikinci ən böyük avtomobil istehsalçısı Ford-un Meksikaya yatırılması planlaşdırılan 1.6 milyard dollarlıq investisiyadan imtina ediləcəyini açıqlandı.
D.Tramp isə mövqeyini belə açıqlayıb: “Biz ABŞ-da müxtəlif istehsalat sahələrində zavodlar tikəcəyik. Bu həm də, işsiz amerikalıların işlə təmin edilməsi üçün yeni şansdır. Amerikada digər ölkələrə nisbətən vergi daha ucuzdur. Bizim bir məqsədimiz var. Amerika iqtisadiyyatını inkişaf etdirmək və işsizliyi aradan qaldırmaq”.
Ziya Səccad
Ölkə.Az
