Rusiya ABŞ-ın hərbi əməliyyatlar keçirdiyi Rakka şəhərini bombaladı
Fevralın 9-u MKİ sədrinin Türkiyə səfəri zamanı Rusiya qırıcıları səhvən Əl-Babdakı türk əsgərlərini bombalamışdı
"Ölkə.Az" xəbər verir ki, bu gün Türkiyə və ABŞ ordu baş qərargah rəislərinin görüşü keçirilib. Rusiya isə bu dəfə də ABŞ-ın hərbi əməliyyatlar keçirdiyi Rakka şəhərini bombalayıb.
ABŞ ordu baş qərargah rəisi Cozef Dandorf bu gün Türkiyənin baş qərargah rəisi Hulusi Akar və hərbçilərlə görüş keçirib. Görüşdə Rakkadakı hərbi əməliyyatlar müzakirə edilib, hansı addımların atılacağı müəyyənləşdirilib.
Görüşün keçirildiyi bir vaxtda isə Rusiya müdafiə nazirliyi "Tu-95" bombardman təyarələrinin Rakkadakı İŞİD hədəflərini vurduğunu bildirib. Nazirlik təyyarələrin hərbi bazadan havaya qalxaraq İran və İraqın hava sahəsini keçib və İŞİD hədəflərini "X-101" tipli raketlərlə bombaladığını bildirib.
Hikmət
Ölkə.Az
