“ABŞ İranla müharibəyə başlarsa...”

Çünki bir neçə gün əvvəl İsrailin baş naziri Benyamin Netanyahu Amerikada səfərdə idi. Baş nazir deyir ki, ABŞ-ın 44-cü prezidenti Barak Obama İrana qarşı siyasətini qınayır. Onlar İrana qarşı daha sərt sanksiyalar tətbiq etməyə başlayıblar. Bu səbəbdən onun Trampla ortaq məxrəcə gəlib”.

Bu barədə politoloq Elxan Şahinoğlu Ölkə.Az-a açıqlamasında bildirib. Onun sözlərinə görə, əgər İsrail ilə Amerika İrana qarşı sanksiyaları sərtləşdirsə, bölgədəki vəziyyət daha da mürəkkəbləşər.

“İndi İran nüvə çalışmalarını dayandırıbsa, sanksiyalardan sonra nüvə çalışmaları başlayacaq. Bu da bölgə üçün arzu edilən deyil. Düşünürəm ki, Tramp bir qədər ehtiyatlı olmalıdır. Suriya və İraq müharibələri bölgədə vəziyyəti gərginləşdirir, üstəgəl İranla başalyacaq problem daha da çətinliklər yaradacaq. Bununla da beynəlxalq aləmdə gərginlik artacaq. İndi İsrail Amerika rəhbərliyi İranla bağlı nələr edəcək, hər şey bundan asılıdır. Hələlik Tramp Yaxın Şərqlə bağlı səhv qərarlar verməkdədir. O, artıq Amerikanın ənənələrinin ziddinə gedir. Tramp iki dövlət prinsipini qəbul etdi, Fələstin və İsrail. O, yenə də fikrində qalır ki, Amerikanın İsraildəki səfirliyini Qüdsə köçürtsün. Bu da ərəb dünyasının narazılığına səbəb olacaq”, - deyə siyasətçi bildirib.

Elxan Şahinoğlu deyir ki, indiki vəziyyətdə Tramp İranla müharibəyə risq etməz. Onun fikrincə, əgər müharibə başlarsa. Bu Azərbaycan üçün də pis nəticələnə bilər:

“İranla müharibə başlarsa, Azərbaycan humanitar böhranla üz-üzə qala bilər. Çünki İranda milyonlarla azərbaycanlı yaşayır. Müharibə olarsa, onlar Azərbaycana gələ bilərlər. Bu da böhrana səbəb ola bilər. Bundan əlavə, İran hakimiyyəti həmişə Azərbaycan tərəfinə şübhə ilə yanaşır. Yenə elə biləcəklər ki, Amerika və İsrail tərəfi Azərbaycan sərhədlərindən istifadə edir. Bu da İran Azərbaycan münasibətlərini gərginləşdirə bilər. Müharibə zamanı Azərbaycan üçün iqtisadi baxımdan da problemlər yarana bilər. İran Azərbaycanda ticarət layihələri həyata keçirir. İran Azərbaycanda maşın və dərman istehsal edən zavod tikmək istəyir. Azərbaycan İranda bənd layihələri həyata keçirir. Dəmir yol körpüsünün tikintisinə 500 milyon dollar ayrılıb. Müharibə olarsa bütün bu işlər dayandırılacaq”.

Ziya Səccad
Ölkə.Az