Bakıda altı uşaq anasını küçəyə atdılar
Bakıdakı sığınacaqlardan birində məskunlaşan Mahirə Lələyeva həyat yoldaşı tərəfindən küçəyə atılıb. Hələ bu azmış kimi qadın altı övladından da ayrı düşüb.
Ölkə.Az Xezerxeber.az-a istinadən məlumat verir ki, Mahirə Lələyeva 13 il ailəli olub.
Qadın iddia edir ki, həyat yoldaşı onun xəbəri olmadan məhkəməyə müraciət edərək rəsmi şəkildə ondan boşanıb.
Keçmiş həyat yoldaşının ailəsi tərəfindən döyülən qadın bir müddət küçələrdə qalıb. Getməyə yeri olmadığından ac- susuz parklarda, vağzallardakı oturacaqlarda yatıb.
Mahirənin sözlərinə görə, evli olduğu müddətdə də daim həyat yoldaşı tərəfindən zorakılıqlara məruz qalıb.
Məsələ ilə bağlı qadının həyat yoldaşının ailəsi ilə əlaqə saxlamaq mümkün olmayıb .
Hazırda Mahirə Lələyeva Təmiz Dünya İctimai Birliyinin sığınacağına məskunlaşıb və qadınla reablitasiya işləri aparılır.
Bununla bərabər, onun evində yaşama hüququnun bərpası üçün də işlər görülür.
