Türkiyədə 2 başlı quzu doğuldu
Türkiyənin Nigde bölgəsində qəribə hadisə baş verib.
“Ölkə.Az” xəbər verir ki, bölgənin Kavuklu kəndində qoyun bitişik əkiz quzu doğub. Doğulan quzunun 2 başı, 6 ayağı, 2 quyruğu olub. Quzunun normal şəkildə doğulmadığını görən fermer dərhal baytara zəng vuraraq yardım istəyib. Lakin həkim gələnə qədər quzu ölüb.
Qəribə hadisə baş verdiyi fermanın sahibi bildriib ki, belə hadisə ilə ilk dəfədir rastlaşır:
“Belə hadisəni ilk dəfədir görürəm. Qoyunun halı qəfil pisləşdi. Dərhal onun bala verməsi üçün tədbirlər gördük. Quzu doğuldu. Lakin quzunun ikibaşlı olduğunu gördükdə təəccübləndik. Quzu 2 dəqiqə yaşadıqdan sonra öldü. Qoyunun vəziyyəti isə yaxşıdır”, - deyə ferma sahibi bildirib.
Ziya Səccad
Ölkə.Az
