Pentaqon Rakkada Rusiya ilə hərbi əməkdaşlıq etməyəcək

 "Ölkə.Az" xəbər verir ki, Pentaqonun nümayəndəsi Mişel Baldantsa bu barədə bəyanat verib. Bəyanatda deyilir ki, ABŞ Rusiya ilə hərbi sahədə əməkdaşlığı hələ bərpa etməyib: "ABŞ-ın müdafiə nazirliyi Rusiya hərbi qüvvələri ilə əməkdaşlığı rəsmi Moskvanın Krımın anneksiyası ilə bağlı qanunsuz hərəkətlərindən sonra dayandırıb".

Mişelin bəyanatı Rusiyanın müdafiə naziri Sergey Şoyqunun ABŞ-la Rakkanın azad edilməsi məsələsində mümkün olan əməkdaşlıq barədə bəyanatından sonra səsləndirilib.

Baldantsanın sözlərinə görə, Rusiya və ABŞ əməliyyatların təhlükəsizliyi kimi məhud məsələlərdə əməkdaşlıq etməyə davam edir. Söhbət əsasən Suriya üzərində təhlükəsiz uçuşlar barədə telefon danışıqlarından gedir. ABŞ və Rusiya hərbçiləri yüksək səviyyədə əlaqə saxlamağa davam edirlər.

Hikmət
Ölkə.Az