Kipr müzakirələrində böhran
Kiprin yunan tərəfi "Enosis referendumunun məktəblərdə bayram edilməsi" barədə qərar qəbul edib
"Ölkə.Az" xəbər verir ki, "Enosis referendumu" Kiprin Yunanıstana birləşdirilməsi deməkdir. Bu qərardan sonra Şimali Kipr Türk Respublikasının prezidenti Mustafa Akıncı sabah liderlər arasında keçirilməsi planlaşdırılan görüşdə iştirak etməyəcəyini bildirib.
Şimali Kipr Türk Respublikası prezident administrasiyasından bildiriblər ki, yunan parlamenti 10 fevral tarixində qəbul etdiyi "Enosis referendumunun bayram edilməsi" qərarından geri addım atmadığı üçün Mustafa Akıncı görüşdə iştirak etməyəcək.
Kipr müzakirələri Akıncının prezident seçilməsindən sonra BMT-nin Kipr üzrə xüsusi müşaviri Espen Bartın vasitəçiliyi ilə 15 may 2015 tarixindən yenidən start götürmüşdü.
Hikmət
Ölkə.Az
