Hindistanda dəbdəbəli toy mərasimləri qadağan edildi
Hindistanın Cammu və Kəşmir ştatlarında dəbdəbəli toy mərasimi keçirmək qadağan edilib
"Ölkə.Az" xəbər verir ki, qadağa müəyyən məhdudiyyətləri ehtiva edir və qanun 2017-ci ilin 1 aprel tarixindən qüvvəyə minəcək.
Qanuna əsasən, nikah mərasimində bəy evindən maksimum 500, gəlin tərəfdən isə 400 qonaq dəvət edilə bilər. Nişan mərasiminə isə cəmi 100 qonaq dəvət edilə bilər. Bundan başqa, dəvətnaməyə şirniyyat və quru meyvə əlavə etmək qadağan edilib.
Qanun layihəsinə əsasən, istənilən özəl, ictimai və dövlət tədbirlərində səsgücləndirici və atəşfəşanlıqdan istifadə etməyə icazə verilməyəcək. Yerli hakimiyyət orqanları bununla da ifrat xərclərin qarşısını almağı planlaşdırır.
Qeyd edək ki, bir müddət əvvəl hind siyasətçi Canardxana Reddi qızı Brahmaninin toyuna 74 milyon dollar xərcləmişdi.
Hikmət
Ölkə.Az
