Sergey Lavrov: Qarabağ probleminin həll edilməsində Minsk formatının alternativi yoxdur

"Ölkə.Az" xəbər verir ki, rusiyalı nazirin bəyanatına əsasən Dağlıq Qarabağ probeminin nizamlanmasında ATƏT-in Minsk qrupunun həmsədrlərinin mövcud formatının alternativi yoxdur.

Lavrov deyib: "Əgər biz həqiqətən də ümumi həll yollarını axtaran prinsipial razılaşmalara sadiqiksə, mənim fikrimə görə ATƏT-in Minsk qrupunun həmsədrlərinin formatına alternativlər mövcud deyil".

Qeyd edək ki, rusiyalı nazir Ermənistanlı həmkarı Edvard Nalbandyanla görüşün nəticələrinə həsr edilmiş mətbuat konfransında bu bəyanatla çıxış edib.
Lavrov vurğulayıb ki, bu məsələ ilə bağlı Azərbaycan və Ermənistan rəhbərliyi də bir neçə dəfə fikir səsləndiriblər. ATƏT-in bütün üzvləri də dəfələrlə həmsədrlərin fəaliyyətini müsbət qiymətləndiriblər.

Qeyd edək ki, 1992-ci ildən Azərbaycan və Ermənistan arasında münaqişənin dinc yolla nizamlanması üçün ATƏT-in Minsk qrupu çərçivəsində danışıqlar aparılır.

Hikmət
Ölkə.Az