Bu xəbər kompüter istifadəçilərini üzəcək

Kompüter yaşlanmanı sürətəndirir.

Ölkə.Az rusiya mətbuatına istinadən xəbər verir ki, kompüter və telefon kimi texnoloji alətlərə uzun müddət baxmaq insanda erkən yaşlanmaya səbəb olur. Bundan ən çox zərər görən isə orta yaş və ondan aşağı yaşdakı gənc insanlardır. Son zamanlar gənclərin bəzilərində kompüter və telefondan çox istifadə etdiklərinə görə, göz altında çökmələr, üz nayihəsində solmalar, göz altı torbaların yaranması kimi deformasiyalar yaranır. Bütün bu qurğulardan gələn zərərli şüalar insanın üz dərisini 5-6 il yaşlandırır.

İşdən başqa şəxsi həyatımıza da daxil olan bu texnoloji alətlər 30 yaşlı insanın üzünün 35 yaşındakı kimi görünməsinə səbəb olur. Bu hallara xüsusən həssas dəri tipi olan qadınlarda rast gəlinir. Yaranan deformasiyalar isə yalnız əməliyyat vasitəsilə həll edilə bilər.

Artıq dünyada "kompüter asılılığı" məsələsinə çox ciddi problem kimi yanaşırlar. Həkimlər kompüter xəstələrinə asudə vaxtlarının yalnız bir hissəsini kompüterə sərf etməyi, qalan vaxtlarda isə cəmiyyətlə ünsiyyətdə olmağı tövsiyyə edirlər. Orada həm də pasiyentlərin fiziki sağlamlığının qeydinə qalırlar. Kompüterin qarşısında çox vaxt keçirən yeniyetmələrin fiziki görkəmlərinin yaxşı olmayacağını başa salır, onlara düzgün qidalanmanın vacibliyi haqqında təlim keçirlər.

Rəşid Mustafazadə

Ölkə.Az