Pakistanda dəhşətli qəza: 56 ölü

Bu ilk belə qəza deyil.

Ölkə.Az Anadolu agentliyinə istinadən xəbər verir ki, Pakistanda sərnişin avtobusu ilə yük maşınının toqquşması nəticəsində 56 nəfər həyatını itirib, 20 nəfər isə ağır yaralanıb.

Ölkənin şimal-qərb əyaləti Xeybər Pahtun Huvahın Svat bölgəsindən cənubdakı liman şəhəri Quruçudan gedən sərnişin avtobusu Sind əyalətinin Sukkur şəhəri yaxınlığında yük maşını ilə toqquşub.

Qəzada aralarında qadın və uşaqların da olduğu 56 adamın həyatını itirdiyi, 20 adamın yaralandığı bildirilib. Yaralıların bölgədəki xəstəxanalara yerləşdirildiyi bildirilib.

Polislər qəzanın həddindən artıq sürətli idarə edən avtobus şoferinin qarşıdan gələn kamyona toqquşması nəticəsində meydana gəldiyini və qəzada çox sayda adamın həyatını itirməsinə səbəb olan avtobusda çıxmış yanğının olduğunu söyləyib.

Xatırladaq ki, ötən aprel ayında eyni bölgədə Dera Xazi Xan şəhərindən Quruçuda doğru gedən sərnişin avtobusu yük maşını ilə toqquşmuşdu. Qəzada 42 adam ölmüş, 17 adam isə yaralanmışdı.

Rəşid Mustafazadə

Ölkə.Az