Hollandiyanın hava limanında sərnişin təyyarəsi parçalandı
Hollandiyanın Amsterdam şəhərində sərnişin təyyarəsi qəzaya uğrayıb.
“Ölkə.Az” xəbər verir ki, "Schiphol" hava limanında Britaniyanın FlyBe aviaşirkətinin sərnişin təyyarəsi uçuş-emə zolağından kənara çıxaraq parçalanıb.
Edinburq-Amsterdam reysinin təyyarəsi hava limanında eniş edərkən qəza olub. Hadisədən sonra əraziyə xilasedicilər cəlb olunub. Xilasedicilər təyyarədə olan 59 sərnişini təxliyyə ediblər. Sərnişinlər xüsusi avtobusla ərazidən çıxarılıb.
Hadisə zamanı xəsarət alan olmayıb.
Sərnişin təyyarəsinin nə səbəbdən qəzaya uğraması barədə isə məlumat verilməyib.
Ziya Səccad
Ölkə.Az
