Bakıda bir nəfər “səssiz ölüm”ün qurbanı oldu
Bakıda dəm qazından bir nəfər dünyasını dəyişib.
“Ölkə.Az” xəbər verir ki, hadisə Sabunçu rayonunun Balaxanı qəsəbəsində, 11-ci Mədən deyilən ərazisində qeydə alınıb.
Həmin ərazidə yaşayan 1994-cü il təvəllüdlü Fuad Rüstəmov hamamda çimərkən dəm qazından zəhərlənib. Onu yaxınları huşsuz halda hamamda tapıblar. Xəstəxanaya aparılsa da, həkimlər Fuad Rüstəmovun həyatını xilas edə bilməyib.
Qeyd edək ki, hər gün dəm qazından xeyli ayda insan zəhərlənir. ötən gün Bakıda dəm qazından 5 nəfər zəhərlənib. Zəhərlənən şəxslər müvasiq xəstəxanalara yerləşdiriliblər.
Xatırladaq ki, dəm qazı təhlükəsi barədə Fövqəladə Hallar Nazirliyi də əhaliyə xəbərdarlıq edib. Bildirilir ki, bu hadisələrin əksəriyyəti vətəndaşların təhlükəsizlik qaydalarına riayət etməməsi səbəbindən baş verir.
Ziya Səccad
Ölkə.Az
