Qazaxıstan aeroportunda civə əməliyyatı

“Ölkə.Az” xəbər verir ki, Almatı-Tbilisi reysi ilə ölkəyə gələn şəxsin üzərinə hava limanında baxış zamanı 1,9 kiloqram civə tapılıb. Onu nəzarət məntəqəsinə aparmaq istəyiblər. Bu zaman həmin şəxs əlindəki qabı götürərək qaçıb. Aeropotdan çıxa bilməyəcəyini görən əcnəbi civəni zibil qutusuna tökmək istəyib. Bu zaman civə yerə dağılıb və buxarlanmağa başlayıb. Əhmin anda hava limanının siqnalizasiya sistemi işə düşüb.

Polislər dərhal həmin şəxsi yaxalayıblar. Daha sonra əraziyə xilasedicilər, həkimlər çağırılıb. Aeroportdakı insanlar təxliyyə olunublar. Sonra hava limanındakı kimyəvi maddə təmizlənib.

Baş verənlərə görə hava limanının işi 3 saatdan çox dayandırılıb. Nəticədə 6 istiqamətə uçacaq reys gecikib.

Polis aeroportda qalmaqala səbəb olan həmin şəxs barəsində cinayət işi açıb və məhkəməyə göndərib. Məhkəmənin qərarı ilə civə gətirən şəxsə 6 il həbs cəzası verilib.

Ziya Səccad
Ölkə.Az