"Barselona" azarkeşlərinə pis xəbər
Kataloniyada keçirilən referendumda xalqın 80 faizinin müstəqilliyin leyhinə səs verməsi futbola da təsir edib.
Artıq "Barselona" rəhbərliyi və klubun azarkeşləri gələcək talelərini müzakirə etməyə başlayıb.
Kataloniya İspaniyadan ayrılsa, "Barselona"nın La Liqada çıxışı mümkün olmayacaq. İspaniyada keçirilən rəy sorğularında ispanların 60 faizi bu klubun çempionatda çıxış etməsini istəmədiklərini bildiriblər. Kataloniyalılar isə əksinə, komadanın La Liqada qalmasına tərəfdardır.
7,5 milyon əhalisi olan Kataloniyada "Barselona"dan başqa sadəcə "Espanyol" klubu güclülər dəstəsində çıxış edir. İspaniya mətbuatı bu durumda böyük büdcəyə sahib "Barselona"nın fəaliyyətini davam etdirməsinin mümkün olmayacağını yazır.
Bəzi ekspertlərin fikrincə, "Barselona" La Liqadan qovulacağı halda "Monako" kimi Fransa çempionatında çıxış edəcək. Lakin bu İspaniya futboluna, xüsusən də "Real"a mənfi təsir edəcək. Daim "Barselona" ilə rəqabətdə olan "Kral Klubu"nun marka dəyəri azalacaq. (anspress)
Ölkə.Az
