FETÖ ilə əlaqəyə görə həbs edilən 454 hakim və prokurorun yerinə yeni təyinat

Hakimlər və Prokurorlar Ali təşkilatı tərəfindən 454 nəfərlik yeni fərman hazırlanıb.

“Ölkə.Az” xəbər verir ki, fərmanda 454 nəfər boş qalan hakim və prokuror vəzifəsinə təyin edilib. Fərmana əsasən FETÖ ilə əlaqədə ittiham olunan hakim və prokurorlardan 65 nəfərinin günahı sübuta yetirilmədiyi üçün yenidən vəzifəyə qaytırılıb.

Qeyd edək ki, fevralın 20-də Türkiyədə keçirilən əməliyyat zamanı FETÖ təşkilatı ilə əlaqədə şübhəli bilinən daha 227 hakim və prokuror vəzifəsindən kənarlaşdırılıb. Məhkəmə sisteminin əməkdaşları ötən il iyul çevrilişinə cəhdlə bağlı aparılan istintaq çərçivəsində işdən azad ediliblər. İşdən azad olunan məmuarlar dindirilməyə cəlb olunublar. Dindirilmə zamanı onlardan bəziləri FETÖ ilə əlaqələrini etiraf ediblər. Dindirilmə zamanı terror təşkilatı ilə əlaqəli yeni adlar və kimliklər müəyyən edilib.

Türkiyə Hakim və Prokurorlar Ali Şurasının sədr müavini Mehmet Yılmaz bildirib ki, ümumilikdə eyni iş və ittihamla bağlı 3886 hakim və prokuror işdən azad olunub. Onun sözlərinə görə, azad olunana məmuarlar barədə araşdırmalar aparılıb. Araşdırmalardan sonra 200 hakim və prokuror təkrar olaraq işə qaytarılıb.

Ziya Səccad
Ölkə.Az