Türkiyədə İŞİD-in “canlı bomba”ları yaxalandı

“Ölkə.Az” xəbər verir ki, Qaziantep və Adıyaman bölgəsində keçirilən əməliyyat zamanı İŞİD terrorçuları yaxalanıblar. Əməliyyat zamanı yaxalanan 5 terrorçudan 3-ü “canlı bomba” olub.

Verilən məlumatlara görə, sxlanılan şəxslər yaxın vaxtlar Türkiyənin bir neçə ərazisində dəhşətli terror aktları törətməyi planlaşdırırmışlar. Onların qaldığı evlərdən çoxlu sayda silah, sursat, partlayıcı maddələr, gecə görmə cihazları, bıçaqlar və s. aşkarlanıb.

Qeyd edək ki, bu ilin yanvar ayında terrorçulara qarşı keçirilən əməliyyat zamanı İŞİD-in bomba kuryeri həbs edilib.

Şanlı Urfada keçirilən əməliyyatlar çərçivəsində "Abud Mahho" adlı canlı bomba kuryeri həbs edilib. Dindirilmə vaxtı kuryer İŞİD-in sərhəd xəttində göstərdiyi yerdə torpağa basdırılmış silah-sursat tapılıb.

Ələ keçirilən bomba və hərbi sursatı incələyən polis əməkdaşları canlı bomba hazırlanmasında istifadə edilən maddələr tapıb və bombaların qruplaşmanın Ankara, İstanbul və Qaziantepdə həyata keçirdiyi hücumlarda istifadə edilən bombalarla eyni olduğu müəyyən edilib.

Ziya Səccad
Ölkə.Az