\"Galatasaray\" bu futbolçularla yollarını ayırır

"Ölkə.Az" xəbər verir ki, Super Liqada "Beşiktaş" klubundan 10 xal geridə qalan, "Ziraat Türkiyə Kuboku" yarışları ilə vidalaşan klubun baş məşqçisi İqor Tüdor növbəti mövsümün planları üçün qollarını çirmələyib.

Klub rəhbərliyi ilə görüşən Tüdor komandada yaşı 30-dan çox olan futbolçuların üstünlük çəkdiyini bildirib və komandanı cavanlaşdırmaq qərarına gəlib. 

Xorvat məşqçi yaşlı futbolçularla növbəti sezonda işləmək istəmədiyini və onların klubdan ayrılması üçün rəhbərliyə hesabat təqdim edib.

Rəhbərlik bu təklifi müsbət dəyərləndirib və növbəti mövsüm üçün Tüdora transfer məsələsində tam səlahiyyət verəcəyini açıqlayıb.

Klubdan ayrılacaq futbolçular isə bunlardır:

Sabri Sarıoğlu
Hakan Balta
Aurelien Çedjou
Selçuk İnan
Uesli Snayder
Nigel de Jonq
Lukas Podolski
Luis Kavanda

Hikmət
Ölkə.Az