İŞİD terrorçuları Mosulda tələyə düşdü
Mosulun qərbində İŞİD terrorçularının şəhərdən çıxa biləcəkləri son yol da bağlandı
"Ölkə.Az" xəbər verir ki, İraq ordusu Mosul-Telafer yolunu da nəzarətə götürüb. Bununla da terrorçuların Mosulun qərbindəki son çıxış yolu da əldən çıxıb.
Nəzarətə götürülən yol şimali-qərbdən şəhərin mərkəzinə nəqliyyatı təmin edir.
Bu yol Mosul şəhərini həm də İŞİD qruplaşmasının qalalarından sayılan və şəhərin 60 km qərbində yerləşən Telafer ilə birləşdirir.
Qeyd edək ki, Mosulun qərb hissəsini terrorçulardan təmizləmək üçün 19 fevral tarixində başlayan əməliyyat davam edir.
Hikmət
Ölkə.Az
