Jurnalistlər məhkəmə zalından azadlığa buraxıldı
Sumqayıt şəhər məhkəməsinin qərarı ilə 1 il müddətinə azadlıqdan məhrum edilən jurnalistlər azadlığa buraxılıb
"Ölkə.Az" “Qafqazinfo”-ya istinadən xəbər verir ki, bu barədə vəkil Elçin Sadıqov məlumat verib.
O bildirib ki, ağır cinayətdə ittiham etməklə böhtan atmaqda təqsirləndirilən İkram Rafiqoğlu və Rəhman Novruzov barəsindəki hökm bu gün Sumqayıt Apellyasiya Məhkəməsinin qərarı ilə dəyişdirilib:
“Onlara 9 ay islah işləri cəzası təyin edildi. Təyin edilmiş islah işləri cəzası həbsdə qaldıqları 3 ay 14 gün azadlıqdan məhrumetmə cəzası ilə əvəzləşdirərək cəzalarını tam icra etdiklərinə görə məhkəmə zalında həbsdən azad edildilər. Qərardan kassasiya şikayəti verəcəyik”.
Ölkə.Az
