Azərbaycan Ermənistan vertolyotunu vurdu

Azərbaycan Silahlı Qüvvələri Ermənistan Ordusunun vertolyotunu vurub.

Ölkə.Az bildirir ki, bu barədə “Qafqazinfo”ya məlumat cəbhə bölgəsindən daxil olub. Məlumata görə, bu dəqiqələrdə cəbhənin Ağdam istiqamətində, Çəmənli kəndinin ərazisində təmas xəttini pozan Ermənistan tərəfinə məxsus vertolyot vurulub.

Vertolyot Azərbaycan Ordusunun nəzarət etdiyi əraziyə düşüb və hazırda ərazidə tüstüləyir.

Azərbaycanın Müdafiə Nazirliyindən faktı “Qafqazinfo”ya təsdiqləyiblər. Əlavə məlumat veriləcək.

Məsələni dəqiqləşdirmək üçün Ölkə.Az Çəmənli kəndinin sakinləri ilə əlaqə saxlayıb.

Bölgədən bizə verilən məlumatda erməni vertolyotunun ordumuz tərəfindən vurulması xəbəri təsdiqləndi.

Hadisənin sonrakı inkişafı haqqında məlumat veriləcək:

Ölkə.Az