Trampdan Əfqanıstana bəyanat

ABŞ prezidenti Donald Tramp Əfqanıstan prezidentini əmin edib ki, ABŞ-ın hərbi kontingenti ölkəni tərk etməyəcək

"Ölkə.Az" xəbər verir ki, Tramp Əfqanıstanın prezidenti Əşrəf Qəniyə telefonla zəng edib. Liderlərin telefon danışığında Donald bildirib ki, amerikalı hərbçilər Əfqanıstanda qalacaq və ölkənin milli silahlı qüvvələrini dəstəkləyəcək. Bu barədə Əfqanıstanın xarici işlər naziri Səlahəddin Rəbbani məlumat verib.

Rəbbani liderlərin telefon danışığını şərh edərək deyib: "ABŞ və NATO, digər dövlətlər ötən ilin oktyabr ayında Brüsseldə keçirilən konfransda Əfqanıstanı dəstəkləmək üçün öhdəliklərini təsdiqlədilər. Söhbət ölkənin milli ordusuna silah və maliyyə yardımlarından gedir. ABŞ-ın yeni administrasiyası bu sahədə hansı addımları atacaq? Telefon danışığında prezidentlər öhdəlikləri müzakirə ediblər. ABŞ ordusu Əfqanıstanda qalacaq və milli orduya yardım edəcək".

Qeyd edək ki, 2015-ci ilin 1 yanvar tarixindən NATO-nun "Həlledici dəstək" adlı yeni missiyası Əfqanıstandadır. NATO və Əfqanıstan arasında əldə edilən qarşılıqlı razılaşmaya əsasən ölkədə 12 min hərbçi xidmət göstərir. Onların vəzifələrindən biri də əfqan güc strukturlarına təlim keçməkdir.

Hikmət
Ölkə.Az