Sincarda PKK və peşmərgə silahlıları arasında toqquşma
İraqın Suriya sərhəddinə yaxın Sincar vilayətində silah səsləri eşidilib
"Ölkə.Az" xəbər verir ki, Bərzaniyə bağlı silahlı birləşmələrlə PKK terrorçuları arasında silahlı toqquşma baş verib.
Verilən xəbərə əsasən, Şimali İraq Kürd Muxtariyyatının lideri Məsut Bərzaniyə bğlı peşmərgə birləşmələri ilə PKK arasında baş verən toqquşma peşmərgənin bir bölgəyə daxil olması ilə baş verib. Bu ərazi PKK-nın Sincar müdafiə birləşmələrinin nəzarəti altında olduğu bildirilir. Səhər saatlarında başlayan silahlı toqquşmada ağır silahlardan istifadə edilib və hər iki tərəfdən ölən və yaralananlar var.
Qeyd edək ki, bir müddət əvvəl peşmərgələr bəyan etmişdilər ki, Sincarda suverenlik Şimali İraq Kürd Muxtariyyatına məxsusdur. PKK-nı bu ərazidən çıxarmaq üçün lazım olsa, hərbi müdaxilə ediləcək.
Hikmət
Ölkə.Az
