Məşhurların qəribə xüsusiyyətləri
"Ölkə.Az" bu gün ekranlardan və jurnallardan tanıdığımız bəzi məşhurların qəribə xüsusiyyətlərini təqdim edir.
Necə deyərlər, açaq sandığı, tökək pambığı.
Ancelina Coli
Aktrisa Ancelina Coli qan və ölümə xüsusi maraq hissi duyur. Coli eyni zamanda bıçaqlara da xüsusi diqqət göstərir. Gözəl aktrisa yataqda da bıçaqlarla oynamağı çox xoşlayır.
Hülya Avşar
Dəqiqliyi çox xoşlayan Hülya Avşar bütün saatlarını beş dəqiqə qabağa çəkir. Beləcə, getdiyi yerə 5 dəqiqə tez gedir.
Bill Qeyts
Hər gün 7 saat yuxu yatdığını bildirən Bill Qeyts yuxuya getmədən əvvəl mütləq kitab və jurnal oxuyur. Ən çox bioqrafiya və fəlsəfə kitablarını xoşlayır.
Barak Obama
Eks-prezident bəzən gecə saat 02:00 radələrində işləməyə başlayırmış. Bu, onun gərnəşə biləcəyi və tək qaldığı yeganə fürsət olub.
Bülent Ərsoy
Müğənni tək rəqəmləri xoşlamır. Otellərdə tək rəqəmli otaqlarda qalmır, tək rəqəmli dövlət nömrə nişanı olan maşınlara minmir. Qapı nömrəsi təkrəqəmli olan bir evi pulsuz hədiyyə etsəniz də götürməz.
Haydi Klum
Mövhümata inanan model süd dişini özü ilə gəzdirir. Onun inancına əsasən süd dişi şans gətirir.
Şarliz Teron
Səliqə-səhman xəstəsi olan Şarliz Teron səliqəsiz otaqda yuxuya gedə bilmir.
Eminem
Məşhur rep ustası Eminem isə ancaq tam qaranlıq bir otaqda yuxuya gedə bilir. Qaldığı otelin bütün pəncərələrinə pərdə çəkdirir.
Alfred Hiçkok
Məşhur rejissor Alfred Hiçkok içindən nə çıxacağını bilmədiyi üçün yumurtalardan qorxurmuş. Və bu adam uzun illər ən qorxulu filmlərin rejissoru olub.
Cessika Simpson
Dostları onu dovşan deyə çağırırlar. Çünki Cessika yerə düşən bütün əşyaları ayaq barmaqları ilə qaldırır.
Stiv Cobs
Stiv Cobsun qəribə qidalanma xüsusiyyətləri olub. Eyni şeyi bir neçə gün yeməyi xoşlayırmış. Ən çox da yerkökü qəbul edirmiş.
Kameron Diaz
Kameron Diaz qapıları əlləri ilə yox, dirsəyi ilə açmağı üstün tutur. Çünki həddindən artıq iyrənən adamdır.
Ketrin Zeta Cons
Aktrisa Ketrin Zeta Cons dişlərini ağartmaq üçün çiyələkdən hazırlanmış diş pastasından istifadə edir.
Keti Perri
Keti Perri özü ilə 20 diş fırçası gəzdirir.Gündə 6 dəfə dişlərini fırçalayır.
Demi Mur
Aktrisa Demi Mur toksinləri bədənindən təmizləmək üçün bədəninə zəli qoydurur.
Peris Hilton
Xürafata inanan Peris Hilton saat 11:11 olan kimi arzu tutur.
Conni Depp
Aktyor "Barbie" gəlinciklərindən ibarət kolleksiya yığır. Aktyor bu gəlinciklərlə oynamaqdan zövq alır.
Megan Foks
Aktrisa Meqan Foks təyyarə ilə səfərə çıxanda mütləq Britni Spirsin mahnılarını dinləyir.
Hikmət
Ölkə.Az
