Mehman Hüseynovun həbsdə vəziyyəti necədir?
"Ölkə.Az"-ın məlumatına görə, vəkil M.Hüseynovun durumunun yaxşı olduğunu bildirib:
"Mehman Hüseynovla görüşdüm. Həmişəki Mehmandır, əhvalı yüksəkdir, zarafat-"prikollarından" qalmır...
Artıq Mehmanı kameraya yerləşdiriblər. Kamerada 5 nəfərdilər. Yerləri darısqal deyil. Şəraitdən razılıq etdi. Kamerada kabinet-sanitar qovşaq, televizor var. Yerli telekanalları izləyə bilir. Təcridxanada onunla rəftardan da hər hansı narazılıq bildirmədi. Bütün dost-tanışa, ondan ötrü narahat olanlara çoxlu salam dedi. Hər kəsin möhkəm olmasını, onun həbsinə görə sıxıntı çəkməmələrini arzulayır".
Qeyd edək ki, Mehman Hüseynov Nəsimi Rayon Polis İdarəsinin rəisi Musa Musayevin şikayəti əsasında saxlanılıb. Şikayət üzrə Suraxanı Rayon Məhkəməsində keçirilən məhkəmə prosesində onun 2 il müddətinə azadlıqdan məhrum edilməsi ilə bağlı qərar çıxarılıb.
İntiqam VALEHOĞLU
Ölkə.Az
