Dünyanın ən maraqlı idman rekordları

İdmanla məşğul olmaq sağlamlığınıza faydalıdır. Necə deyərlər, sağlam bədəndə sağlam ruh olar. Son illər isə paytaxtımızda idman mərkəzlərinin, fitnes klubların artması idmana olan marağın və diqqətin göstəricisi sayılır.

Bu gün "Ölkə.Az" oxucularına "Ginnesin rekordlar kitabı"na daxil olan maraqlı idman rekordlarını təqdim edirik.

5. Kori Lou

Basketbol şoularında çıxış edən Kori 25 metrlik məsafədən topu səbətə ata bilib. Bu zaman onun arxası səbətə tərəf olub. Bu isə dünya rekordu sayılır. Koridən əvvəlki rekord 21 metr təşkil edirdi. Onun iki komanda yoldaşı da bir saat cəhd etsələr də, 25 metrlikdən səbətə topu sala bilməyiblər. Kori Lou bir müddət əvvəl üzü səbətə doğru 33.5 metrdən topu səbətə salıb.

4. Conni Salo

Amerikalı Conni Salo 1929-cu ildə rekorda imza atıb. O, 79 gün ərzində 5898 km məsafə qət edib. Conninin orta sürəti 11 km/saat olub. Conni 31 mart tarixində marafona qoşulub və 17 iyun tarixində finişə birinci çatıb. O, 525 saat 57 dəqiqə 20 saniyə qaçıb. Bu vaxta qədər onun rekordunu qıran olmayıb.

3. Xidekiçi Miyadzaki

Yapon Xidekiçi qəribə nəticə ilə 100 metr məsafəni qaçıb və Ginnesin Rekordlar kitabına düşüb. Ertəsi gün onun 105 yaşı tamam olub. O, dünyanın ən sürətli yaşlı sprinteri olduğunu təsdiqləyən sertifikat alıb. 100 metr məsafəni 42.22 saniyəyə qaçıb.

2. Maykl Makkastel

Amerikalı Maykl Makkastel yeni rekorda imza ataraq "Ginnesin rekordlar kitabı"na düşüb. O, 24 saat ərzində 5801 dəfə jim vurub. Həm də bu zaman Makkastelin çiynində 13 kq çəkisi olan bel çantası olub. Rekorda imza atdıqdan sonra Maykl reanimasiya şöbəsinə düşüb.

1. Kevin Fast

Kefin Fast planetin ən güclü rahibi sayılır. O, bir neçə dəfə "Ginnesin rekordlar kitabı"na düşüb. 12 yaşından idmanla məşğul olur. Əldə etdiyi qonorarları xeyriyyə məqsədi ilə xərcləyir. Birinci dəfə o, 57 ton çəkisi olan yük maşınını 30 metr dartıb. 2009-cu ildə 189 ton çəkisi olan təyyarəni 9 metr dartıb. 2010-cu ildə rels üzərinə qoyulmuş, çəkisi 40 ton olan evi 12 metr dartır. 2011-ci ildə yanğınsöndürən maşını bir əli ilə 30 sm tərpədir. 22 qadını eyni anda çiynində saxlamağı bacarır.

Hikmət
Ölkə.Az