Nazirlik vurulan helikopterin görüntülərini yaydı

Müdafiə Nazirliyi düşmən helikopterinin vurulma anını əks etdirən fotolar yayıb. 

Ölkə.Az Müdafiə Nazirliyinin saytına istinadən xəbər verir ki, əldə olunan dəqiqləşdirilmiş məlumata əsasən noyabrın 12-də cəbhənin Ağdam rayonu istiqamətində Ermənistan Respublikasının Hərbi Hava Qüvvələrinə məxsus döyüş cütlüyündən ibarət Mi-24 tipli helikopterləri müdafiənin ön xəttində yerləşən mövqelərimizə hücum edərək atəşə tutublar.

Cavab atəşilə düşmənin döyüş cütlüyündən ibarət helikopterlərindən biri vurulub, digəri isə atəş zonasını tərk etməyə məcbur olub.

Ölkə.Az