Ürək və qan təzyiqindən əziyyət çəkən xəstələr ehtiyatlı olsunlar

“Ölkə.Az” xəbər verir ki, bu barədə sosial şəbəkələrdə, cəmiyyətdə, ictimai nəqliyyatda çox danışılır. İnsanlar ən çox ürək ağrısından, təzyiqdən şikayət edirlər. Belə vaxtlarda şəkərli diabet xəstəliyindən əziyyət çəkənlərin də vəziyyəti tez-tez pisləşir.

Həkimlər isə belə xəstələrə son dərəcə ehtiyatlı olmağı məsləhət görürlər. Həkim, professor Qələmxan Məmmədov Ölkə.Az-a açıqlamasında bildirib ki, havaların dəyişməsilə əlaqədar xroniki xəstəliyi olanların da halı dəyişkən olur. Həkimin sözlərinə görə, belə insanlar mütəmadi olaraq sağlamlıqlarına fikir verməlidirlər.

“Bu xəstəliklər əsasən oturaq həyat tərzi keçirən insanlarda dah çox müşahidə olunur. Belə xəstələr fəsil dəyişən ərəfələrdə mütəmadi olaraq həkim nəzarətində olmalıdırlar. Mütləq tez-tez müayinələrdən keçməlidirlər. Ümumiyyətlə xroniki olaraq qan təzyiqindən, ürək xəstəliyindən əziyyət çəkən şəxslər mütəmadi olaraq həkim nəzarəti altında dərman qəbul etməlidirlər”, - deyə professor bildirib.

Məsələ ilə əlaqədar  Bakı şəhəri Təcili Tibi Yardım Stansiyasının baş həkiminin müavini Murad Mirzəzadə Ölkə.Az-a bildirb ki, quruma daxil oan müraciətlər arasında artım müşahidə olunmur. Onun sözlərinə görə, müraciət edənlərin arasında ən çox ürək xəstəlikləri və qan təzyiqindən şikayət edənlərin sayı çoxluq təşkil edir.

“Hər bir insanın orqanizminin individual cəhətləri var. Ona görə də. Hamısına toplam şəkildə rəy bildirmək düzgün deyil. O ki, qaldı ürək, şəkər xəstəliklərindən əziyyət çəkənlər birinci növbədə ixtisas həkimləri ilə əlaqə saxlamalıdırlar. Vəziyyətləri barədə onlara xəbər verməlidirlər. Hələ ki, çağırışlarımızın sayında artım müşahidə olunmur. Çağırışların əksəriyyəti ürəklə, təzyiqlə bağlı problem yaşayan insanlardır”, - deyə Murad Mirzəzadə bildirib. 

Ziya Səccad
Ölkə.Az