Tramp Çini çətinə salıb

“Ölkə.Az” xəbər verir ki, bu barədə Çinin baş naziri Li Ketsyan bəyan edib. O, bildirib ki, təmsil etdiyi dövlət dünya iqtisadiyyatının qloballaşmasının tərəfdarıdır.

Mütəxəssislər isə düşünürlər ki, Çinin bu mövqeyi seçməyə xüsusi səbəbləri var. Politoloq Arzu Nağıyev Ölkə.Az-a açıqlamasında bildirib ki, Çin dövlətində son vaxtlar o qədər artıq məhsullar istehsal olunur ki, bunun üçün digər bir bazar axtarmalıdır. Onun sözlərinə görə, bu də Çin üçün böyük çətinliklər yaradır.

“Bu bazarı da tapmaq o deməkdir ki, özündə işçi qüvvələrinin sayını azaltmalıdır. İşçi qüvvələrinin sayının azaldılması həm də, ABŞ prezidenti Donald Trampın verdiyi proqnozla da bağlıdır. Tramp orada yerləşən bir sıra zavod və fabriklərin yenidən Amerikaya qaytarılması istiqamətində müəyyən sərəncamlar imzalayıb. Bu sərəncamlara görə də, artıq Çin məcburdur öz məhsullarını Avropaya və digər dövlətlər çıxartmaq üçün yollar axtarsın. Məhz buna görə də, Çin hökuməti qloballaşan iqtisadiyyatın tərəfdarıdır”, - deyə  Arzu Nağıyev ildirib.

Ziya Səccad
Ölkə.Az