Türkiyənin Mosuldakı konsulluq binası İŞİD terrorçularından təmizləndi

"Ölkə.Az" xəbər verir ki, bu barədə "Rudav" televiziyası xəbər yayıb.

Hərbi mənbələrdən əldə edilən məlumata əsasən, Mosulun Teyyaran məhəlləsi İŞİD terrorçularından təmizlənsə də, konsulluq binası yerləşən əraziyə girilməyib. Binanın yerləşdiyi ərazi minalardan təmizləndikdən sonra hərbçilər binaya daxil olublar.

İraqın ikinci ən böyük şəhəri Mosul 2014-cü ilin iyun ayında İŞİD tərəfindən işğal edilmişdi. Türkiyə hökuməti isə Mosuldakı konsulluq binasını boşaltmışdı. İŞİD terrorçuları binadan qərargah kimi istifadə etdikləri üçün koalisiya qüvvələri binanı dəfələrlə bombalayıb. Bu səbəbdən konsulluq binasının böyük bir hissəsi istifadəyə yararsızdır.

Qeyd edək ki, İraq ordusu bu gün səhər saatlarında Mosulun icra hakimiyyəti və bir neçə hökumət binasını İŞİD terrorçularından təmizləyib.

Hikmət
Ölkə.Az