Kabulda terror aktı

"Ölkə.Az" xəbər verir ki, Əfqanıstanın paytaxtında ABŞ səfirliyi yaxınlığında, hərbi xəstəxananın qarşısında partlayış törədilib. Partlayışdan sonra ərazidən silah səsləri eşidilib.
Hadisə şəhərin şimal hissəsində, Vəzir-Əkbər-Xan rayonunda baş verib. Məlumata əsasən xəstəxananın darvazası qarşısında partlayış baş verib. Terrorçular binaya soxula biliblər. Hazırda atışma gedir. Terrorçuların sayını dəqiq müəyyənləşdirmək mümkün deyil.
Həkimlərdən birinin verdiyi xəbərə əsasən, terrorçularla təhlükəsizlik qüvvələri hazırda binanın üçüncü və dördüncü mərtəbəsində atışırlar. Bəzi məlumatlara əsasən binaya 4 terrorçu daxil olub.
Ölən və yaralananlar barədə məlumat yoxdur. Hələ ki, heç bir qruplaşma insidentə görə məsuliyyəti öz boynuna götürməyib.

.........................

Kabulda terrorçuların xəstəxanaya hücumu nəticəsində 54 nəfər yaralanıb. İki terrorçu məhv edilib. 3 nəfərin meyidi xəstəxanaya aparılıb. Xəsarət alanlardan 4 nəfərinin vəziyyəti ağırdır. İŞİD terrorçuları hücuma görə məsuliyyəti öz boyunlarına götürüblər.

Hikmət
Ölkə.Az