"Fransanın həmsədrliyinin Aİ mandatı ilə əvəz edilməsi məsələsi gündəlikdə deyil"
"ATƏT-in Minsk qrupunda Fransanın həmsədrliyinin Avropa İttifaqı (Aİ) mandatı ilə əvəz edilməsi məsələsi gündəlikdə deyil. Fransanın mandatı olduğu kimi qalır. Bu, daxili məsələdir."
Ölkə.Az məlumatına görə, bu barədə ATƏT-in baş katibi Lamberto Zannier deyib.
Onun sözlərinə görə, Fransanın mandatının Aİ ilə əvəzlənməsinə, yaxud da Fransaya Aİ adından danışmaq mandatının verilməsinə təşkilat daxilində baxılmalıdır. Bu məsələdə danışıqlar aparılsa da, heç bir irəliləyiş yoxdur.
O eunews.az-a bildirib ki, Avropa Parlamenti Xarici İşlər Komitəsində çıxışı zamanı L.Zannier ölkə ərazisini pozduğuna görə Azərbaycan Silahlı Qüvvələri tərəfindən Ermənistana aid olan hərbi vertolyotun vurulmasından xəbərdar olduğunu vurğulayıb.
Ölkə.Az
