Yel çərşənbəsi günü 2 nəfər tonqala düşdü

Mart ayının 7-də Bakıda qeyd edilən Yel çərşənbəsi günündə bayram tonqalından hoppanarkən 2 nəfər yanaraq xəsarət alıb.

“Ölkə.Az” xəbər verir ki, hadisə şəhərin müxtəlif ərazilərində qeydə alınıb. Xəsarət alanlardan biri xəstəxanaya aparılıb. Ona həkim yardımı göstərilib və evə buraxılıb. Digərinə isə elə yerindəcə köməklik göstərilib.

Qeyd edək ki, bədbəxt hadisə baş verməsin deyə, hər il Novruz bayramı ərəfəsində Fövqəladə Hallar Nazirliyi tərəfindən əhaliyə müraciət edilir. Müraciətdə əhaliyə tonqal qalanarkən son dərəcə ehtiyatlı olmaq tövsiyyə edilir:

“Bayram tonqalının ətrafına yığışan azyaşlılar mütləq böyüklərin nəzarətində olmalıdır. Tonqal elektrik naqili, ağac, avtomobil, ev və digər yanar materiallardan kənarda yandırılmalıdır. Tonqal tam sönənədək nəzarətdə saxlanılmalıdır. Tonqal üzərindən atılarkən ehtiyatsızlıq geyimin alışmasına, bədənin xəsarət almasına səbəb ola bilər. Yandırılan şamlar nəzarətsiz qalmamalıdır. Unutmayın: Qaydalara biganəlik - həyatımıza təhlükədir! Təhlükə zamanı 112-yə zəng edin!".

Ziya Səccad
Ölkə.az