Kabulda terror aktında ölənlərin sayı artdı
Dünən Əfqanıstanın paytaxtı Kabul şəhərində dəhşətli terror aktı törədilmişdi
"Ölkə.Az" xəbər verir ki, ABŞ səfirliyinin yaxınlığında yerləşən hərbi hospitalın darvazası qarşısında minalanmış maşın partladıldıqdan sonra həkim paltarı geyinmiş terrorçular binaya daxil olublar. Binaya daxil olan terrorçular qarşılarına çıxan hər kəsə atəş açıblar.
Əvvəlcə 30, sonra isə 40 nəfərin həlak olduğu bildirilmişdi. Bu gün isə terror aktı nəticəsində 49 nəfərin həlak olduğu, 79 nəfərin isə yaralandığı bildirilir.
Hadisə yerinə təcili olaraq əfqan xüsusi təyinatlıları göndərilib. Binanın damına helikopterlə enən xüsusi təyinatlılar terrorçuları zərərsizləşdiriblər.
Hücuma görə İŞİD terror qruplaşması məsuliyyəti öz boynuna götürüb.
Hikmət
Ölkə.Az
