ABŞ: Əsgərlərimizin başına torba keçirilməsindən narahatıq

ABŞ höküməti İstanbulda bir qrup gəncin ABŞ əsgərlərinin başına torba keçirməsini qınayıb və bu aksiyanı çirkin və narahtlıq verici adlandırıb.

Ölkə.az-ın Türkiyə mətbuatına istinadən verdiyi xəbərə görə, ABŞ-ın dövlət katibinin köməkçisi Jen Psaki Vaşinqtonda keçirdiyi mətbuat konfransında bildirib ki, "USS Ross" adlı gəminin əsgərlərinə qarşı keçirilən aksiya ABŞ hökümətini narahat edib.

ABŞ hökumətinin yaydığı bəyanatda isə belə deyilir: "ABŞ donanmasına aid olan "USS Ross" hərbi gəmisi ABŞ ilə Türkiyə arasında uzun müddətli əməkdaşlıq və dostluq çərçivəsində İstanbulda olub. Ancaq o gəmi üzvlərinə qarşı keçirilən aksiya şiddət və təhdidə çevrilib. ABŞ və Türkiyə höküməti bu hadisəni araşdırır".

Attila
Ölkə.az