Bakıda güclü partlayış baş verib
Mətn ölçüsü:
  • 100%

Bakıda güclü partlayış baş verib

Dünən Bakının Binəqədi rayonunda güclü partlayış baş verib.

Ölkə.Az-ın Daxili İşlər Nazirliyinin mətbuat xidmətinə istinadən verdiyi məlumata görə, hadisə dünən saat 19 radələrində Fatmayı bağlarında baş verib.

Belə ki, hadisə kənd sakini Müşfiq İbrahimovun evində qeydə alınıb. Partlayışdan sonra evdə yanğın olub. Yanğın nəticəsində ev sahibi xəsarət alıb. Onu ağır yanıq xəsarətlərilə xəstəxanaya yerləşdiriblər.

Araşdırmalar zamanı partlayışın evə qaz sızmasından baş verdiyi məlum olub.

Faktla bağlı araşdırma aparılır.

Ölkə.Az