Avropa Krımı Rusiyanın tərkib hissəsi kimi tanıdı?

Krım sakinlərinə viza verilməyə başlayıb.

Ölkə.Az Dni.ru saytına istinadən xəbər verir ki, Avropa İttifaqına daxil olan bir çox ölkələr rus pasportları olan Krım sakinlərinə Şenqen vizası verməyə başlayıblar. Bu ölkələr arasında Yunanıstan, İtaliya, Niderland və Çexiya ilk olaraq bu addımı atıblar.

Avropa İttifaqının Krımı Rusiyanın tərkib hissəsi kimi tanınmasını qətiyyətlə rədd etməsinə baxmayaraq, bəzi ölkələr rus pasportları olan (faktiki olaraq Rusiya Federasiyasının vətəndaşı sayılan) Krım sakinlərinə Şenqen vizası verməyə başlayıblar. Bu şəxslər Krım ərazisində yaşasalar da, şəxsiyyətlərini təsdiq edən sənəd Rusiya Federasiyasına aiddir. Lakin vizanın alınması prosesi yalnız Moskvada yerləşən ofislərdə həyata keçirilir.

Bəzi ekspertlər bu addımı gələcəkdə Avropa İttifaqının Krımı Rusiyanın tərkib hissəsi kimi tanıması yolunda vacib hesab edirlər. Qeyd edək ki, sözügedən pasportlarda Krımda yaşayan şəxslərin dəqiq olaraq harada qeydiyyatda olması barədə məlumat yoxdur, lakin faktiki olaraq həmin şəxslər krım ərazisində yaşayırlar.

Rəşid Mustafazadə

Ölkə.Az