Meksikada parlament binasına hücum etdilər

Meksikada zorakılıqlar davam edir.

Ölkə.Az CNN-ə istinadən xəbər verir ki, Meksikanın Qerrero ştatında etirazçılar parlament binasına hücum ediblər. Aksiya fəallar binanın daxilində avadanlıq, masa və pəncərələri qıraraq zorakılıqlar törədiblər. Zorakılıqlar, həmçinin, Qerrero ştatının paytaxtı Çilpansinqo şəhərində də yaşanıb.

Hadisələr zamanı ən azı 5 nəfərin xəsarət aldığı bildirilir. Hökumətin 43 tələbənin öldürülməsi ilə bağlı sərgilədiyi mövqe aksiya iştirakçılarının qəzəbinə səbəb olub. Adı gizli saxlanılan bəzi mənbələr hətta ştat rəhbərliyinin də quldur dəstə üzvləri ilə əməkdaşlıq etdiyinə dair xəbərlər yayıblar.

Qeyd edək ki, 43 tələbənin itkin düşməsində şübhəli bilinən şəxslər tələbələri yandıraraq öldürüldüklərini etiraf ediblər. İstintaq müddətində, sözügedən cinayət üzrə ümumilikdə, 74 nəfər saxlanılıb.

Meksikanın prezidenti Enrike Nyeto etirazçıları faciədən sui-istifadə etməməyə səsləyib.

Rəşid Mustafazadə

Ölkə.Az