Nikita Ciqurdanı qondarma dövlət də bəyənmədi

“Ölkə.Az” xəbər verir ki, bu dəfə Nikita Ciqurda “Donetsk xalq respublikası”nın seperatçı hökuməti tərəfindən vətəndaşlıqdan məhrum edilib. Bu abrədə “Donetsk xalq respublikası”nın baş naziri Aleksandr Zaxarçenko jurnalistlərə açıqlamasında bildirib. Onun sözlərinə görə, artıq aktyor onlaırn vətəndaşı deyil.

“Bu gün səhər mən özüm bu barədə sənədə imza atmışam. Nikita Ciqurda bizim dövlətin vətəndaşlığından çıxarılıb. Ortada bir səhv vardı, biz onu aradan qaldırmışıq. Artıq Nikita Ciqurda bizim dövlətin vətəndaşı deyil”, - deyə Aleksandr Zaxarçenko bildirib.

Qeyd edək ki, başı daim qalmaqalda olan tanınmış aktyor Nikita Ciqurda ötən həmdə qondarma dövlətim pasportunu almışdı. Aktyor qondarma dövlətin vətəndaşı olmağı Ukrayna dövlətinin xarici siyasətini bəyənmədiyi və rəsmi Kiyevə inad olsun deyə qəbul etmişdi.

Qeyd edək ki, bir müddət öncə Rusiyadan miqrasiya rejimini pozduğu üçün deportasiya edilən aktyor Nikita Ciqurda, Ukraynanın yeni prezidenti olmaq istədiyini bildirmişdi. O, Ukrayna rəhbərliyinin yürütdüyü siyasəti dəstəkləmədiyini və ölkənin xarici siyasətinin dövləti uçuruma apardığını bildirmişdi. Məhz bundan sonra aktyora təzyiqlər olmuşdu.

Ziya Səccad
Ölkə.az